Trajneri i Chelseat, Antonio Conte ka thënë se sezoni i ri në Premier Ligë do të jetë më i vështiri në karrierën e tij si trainer. Italiani fitoi titullin me Chelsean në sezonin e tij të parë në Premier Ligë, transmeton Koha.net.
Ai nuk është aq i kënaqur me aktivitetin e klubit të tij në sjelljen e përforcimeve.“Ky do të jetë sezoni më i vështirë në karrierën time si trajner.
Pse? Ka shumë arsye dhe nuk kam shumë kohë që të sqarojë shumë nga këto arsye.
Por, jam i sigurt për këtë. Në këtë moment kemi skuadër të vogël. Çdokush e sheh situatën, nuk është trajneri thotë ‘dua këtë’ apo ‘dua atë’, por duam të përmirësohemi pasi kjo është e qartë”, ka thënë ai në konferencë për media. (b.an)
