Consumer Reports thotë se një nga telefonat e Samsung i cili është shpallur si “rezistent ndaj ujit” në të vërtetë nuk është i tillë.
Consumer Reports, një organizatë jo-fitimprurëse e cila respektohet për testimin e produkteve, tha të premten se ajo nuk mund të rekomandojë Samsung Galaxy Active për konsumatorët sepse nuk i plotëson kërkesat e vetë kompanisë. Nga ana tjetër, Consumer Reports i cilëson telefonat S7 dhe S7 Edge si “Të Shkëlqyer” për performacën e tyre, jetën e baterisë dhe kamerën.
Maria Rerecich, drejtoresha e testimit të elektronikës në Consumer Reports “, tha se ishte e befasuar nga dështimi i Galaxy Active. Ajo tha se pretendimet e Samsung zakonisht janë “mjaft të mira”.
Samsung bëri me dije për Consumer Report se po heton në lidhje me këtë fakt, por ka marrë shumë pak ankesa. Samsung tha për mediat se Galaxy Active është menduar të jetë një nga telefonat më të fortë, dhe “mund të ketë ndodhur që një pajisje e dëmtuar nuk është aq rezistente sa duhet të jetë.”
Samsung thotë se të gjithë telefonat S7, përfshirë Galaxy Active, janë dizajnuar të mbijetojnë deri në 30 minuta. Consumer Report thotë se pas një gjysmë ore në ujë, ekrani i Galaxy Active u bë i gjelbër dhe nuk iu përgjigj prekjes në ekran. Consumer Reports tha se ka testuar një telefon të dytë Galaxy Active për të verifikuar rezultatet dhe rezultati ishte i njëjtë.
Rerecich tha se ekziston mundësia që problemi të jetë vetëm në disa prej njësive të prodhuara, por Consumer Report tha se ka blerë dy njësi dhe që të dyja dështuan.” Të dyja njësitë janë blerë online.
Në SHBA, telefoni Samsung Galaxy Active kushton 795 dollarë, shifër e cila është të njëjtin çmim me Samsung Galaxy Edge, dhe 100 $ më shumë se S7 i rregullt.
