Në mbrëmje do të luajnë dhe ekipet e tjera shqiptare në arenën europiane. Sot radhën e ka Tirana që do të luajë në transfertë me Torpedon në orën 19:00.
Bardheblutë janë gati për ndeshjen e parë në Gjeorgji ndërsa mungesa e vetme do të jetë mbrojtësi Ismaili, i cili nuk u lejua të hynte në territorin gjeorgjian për shkak se këta të fundit nuk e njohin Kosovën si shtet.
Pjesa tjetër e skuadrës, është gati dhe në dispozicion për trajnerin Shkëmbi. Ndërkaq një orë më vonë, Partizani përballet me Marsaslok. Ekipi i kuq pret në stadiumin e Elbasanit, skuadrën malteze.
I vetmi në dyshim është Taipi, i cili kishte ndjerë shqetësime në kofshë dhe nuk dihet nëse do ta nis takimin që nga minuta e parë. Sfida Partizani-Marsaslok do të luhet në orën 20:00
/a.r
