Drejtoresha e Spitalit Infektiv, Najada Como, iu ka kërkuar qytetarëve që të respektojnë masat anti-covid. Në bashkëbisedimin që Komiteti Teknik i Ekspertëve zhvilloi sot me gazetarët, Çomo tha se ka një rritje të numrave të të shtruarve në spitale, e sidomos të moshave të reja.
“Një informacion të shkurtër, kemi një shtim të rasteve të shtruar në spitale. Është shtuar numri i rasteve të reja, por kemi forma të rënda të moshave të reja të shtruar në spitalet. Fluksi është i përballueshëm por i shtuar nga ana numerike. Marrja e këtyre masave është e detyruar. Në terapi intesive është shtuar numri i pacientëve të shtruar, por ne garantojmë punën tonë, por stërmundimit të bluzave të bardha, popullata shqiptare mund ti përgjigjet vetëm me mbajtjen e maskave, distancimin dhe mbajtjen e rregullave. Ne aty do të jemi dhe do ti shërbejmë edhe pacientit të fundit. P opullata duhet të na mirëkuptojë për situatën ku ne ndodhemi.”-tha ajo.
Ndërsa drejtoresha e ISHP, Albana Fico ka mbajtur fjalën e saj në Komitetin Teknik për masat e reja kufizuese.
Fico thotë se incidenca dhe përhapja e COVID-19 në javën e fundit është e madhe.
Ndërkaq ajo thotë se me rritjen e rasteve, shtohen dhe shtrimet në spital. Theksin Fico e ka vendosur tek moshat e reja për të cilat ka konstatuar se virusi po përhapet më shpejt prej tyre, ndërsa mosha në spitale është ulur.
Sipas saj 77% e kapaciteteve në spitalet COVID janë të zëna.
”Incidenca ësthë më e lartë dhe përhapja më e madhe. Mesatarja e javës është rritur në 1 mijë e 30.
Pavarësisth numrit të shtuar të testimeve, të dhënat tregojnë rritje edhe moshat 15-24, 25-34. Sinjalet që po na jep laboratori i ISHP, përbën dyshim për variantet mutante.
Këtë javë kemi shtim të infeksioneve respiratorë që shkojnë paralelisht me sezonin e dimrit.
Edhe shtrimet në spitale, çka e kemi mësuar se me rritjen e të infektuarve, dhe të intubuarve pësojnë rritje. Mosha mesatare në spitale është ulur.
Aktualisht 77% e kapaciteteve në 4 spitalet COVID janë të zëna. Në shërbimet e reanimacionit janë 34% të zëna. Fakti e këtyre vendimeve tejet të vështira, për profesionistë, autoritete shëndetësore, ne kemi masa respektimi i të cilave është parësor. Kemi ndjekur dhe provuar që sa herë kemi respektuar kemi shkuar para.
PAvarësisht masave të reja sot, duhet të jemi të qartë që distancimi fizik, maska, puna online aty ku duhet. Mësimi me implemente online, çfarë na është rekomanduar, ato janë duhen zbatuar, dhe bashkë do ia dalim.”- tha Fico.
g.kosovari
