Ministri i Integrimit Evropian, Bekim Çollaku si dhe zëvendëskryeministri i Maqedonisë për çështje evropiane Fatmir Besimi, kanë nënshkruar Marrëveshjen e Bashkëpunimit për çështje të integrimit në BE, e cila parasheh bashkëpunim në mes të dy vendeve në disa fusha të rëndësishme që lidhen me integrimin evropian. Pas nënshkrimit të marrëveshjes për bashkëpunim ai ka thënë se vizitën në Kosovë e kishte paralajmëruar vetë komisioneri Avramopoulos, për të verifikuar plotësimin e kritereve për përmbushjen e kushteve për liberalizmin e vizave.
“ Ne jemi duke pritur që ajo vizitë të ndodh më shpejt, mirëpo unë si ministër i Integrimit Evropian, nuk i caktoj agjendat e vizitat e komisionerit Avramopoulos, por kurdo që të vijë mendoj se ai do të bindet që Kosova i ka përmbushur të gjitha kriteret e paraparë në udhërrëfyesin për liberalizim e vizave”, ka thënë; Bekimi Çollaku, ministër i Integrimeve, raporton Koha Ditore.