Çokollatë me biskota
Përbërësit
1 pako biskota
1 filxhan kafe gjalp i shkrirë
1 lugë gjelle kakao
1 filxhan kafe sheqer
1 kokërr vezë
Përgatitja
Biskotat i copëtojmë imtësisht në një tas, me dorë ose me grirëse. Pasi t’i kemi përfunduar së copëtuari hedhim sheqerin dhe i përzijmë me lugë. Më pas shtojmë gjalpin dhe vezën dhe i përziejmë sërish, këtë herë me dorë, pasi duhet të krijojmë dhe formën e përgatitjes. Forma mund të bëhet sipas dëshirës, si cilindër, ose si një shufër salami, ose në formën e një luge. Format e përftuara i mbledhim me letër kuzhine dhe i vendosim në frigorifer tek ngrirja. Pas 2 ose 3 orësh ëmbëlsira është gati.
