“Bota e Re e Turizmit Mjekësor” do të sjellë për audiencën një mundësi për të ndihmuar cilindo që të ketë një jetë më të gjatë, më të lumtur dhe më të përmbushur. Ky është thelbi i iniciativës më të fundit të rrjetit gjigant mediatik CNN.
Ka qenë ky i fundit që mes shembujve në botë, ka zgjedhur një kompani në Shqipëri për ta prezantuar si një destinacion të sigurt për qytetarët amerikanë për kurat dentare.
Producentë, gazetarë dhe operatorë vizituan Tiranën pak kohë më parë për të sjellë para publikut në mbarë botën shembullin e “Gremi Clinic”.
Seria e dokumentarëve i është besuar dy producentëve të njohur në Hollivud, Luke Marrin dhe Mark Allan. Ata i kanë dedikuar plot 8 minuta kompanisë në fjalë në Tiranë si dhe prezantim në mbi 50 spote, duke promovuar kështu edhe Shqipërinë.
“Gremi Clinic” që tashmë ka ofruar shërbime mjekësore për mijëra turistë që vizitojnë vendin tonë, u përzgjodh si klinika e vetme në rajon. Ekipi i xhirimeve përveç filmimeve në terren të laboratorëve, strukturave akomoduese, zyrave administrative etj, intervistoi edhe drejtuesit e kompanisë.
Seria e dokumentarëve që pritet të shfaqet në mbarë botën nis me shembullin e amerikanëve të cilët të pakënaqur më shërbimet e kujdesit mjekësor i janë drejtuar klinikave jashtë vendit. Mes tyre edhe “Gremi Clinic” (Viaggiare & Sorridere) në Tiranë.
PËR MË TEPËR RRETH SERIVE TË CNN KLIKO KËTU
