Policia evakuoi zyrat e CNN në New York për shkak të një kërcënimi me bombë.
Të enjten një telefonues kërcënoi CNN duke thënë se 5 bomba ishin vendosur në ndërtesë.
Policia mbylli rrugën 58, ku ndodhet ndërtesa Time Warner që ‘strehon’ selinë e CNN.
Alarmi erdhi në redaksi rreth orës 22:00 dhe punonjësit u evakuuan.
Një skuadër bombe, policia dhe ambulanca nxituan në vendin e ngjarjes.
Por dy orë pas alarmit policia nuk arriti të zbulojë asnjë eksploziv në ndërtesë.
Alarmi për bombë vjen dy muaj pasi zyrat e CNN në Time Warner Center u evakuuan në mënyrë të ngjashme për shkak të një bombe letër.
a.çupaj
