Nga Elena Kataro
Jo larg ditës ndërkombëtare të emigrantit, Federata e Shoqatave Shqiptare në Greqi organizoi në Hotel Titania në Athinë eventin “Femra e vitit në Greqi 2015”, kushtuar femrës shqiptare në emigracion. Ky aktivitet, i pari i kësaj natyre në historine 25 vjecare të emigracionit shqiptar në shtetin fqinj, nxori në pah vlerat e femrës shqiptare në 12 fusha të ndryshme. Ishte një aktivitet në nder të figurës së nënës, gruas, motrës, femrës emigrante. Edhe pse janë të shumta femrat që kanë kontriubuuar në komunitet, komisioni vlerësues përzgjodhi 12 prej tyre, që kanë dalluar për talentin, forcën e vlerat e tyre në fusha dhe aspekte të ndryshme. Ky numër ka simbolikën e vet pasi do të bëhet një kalendar me të 12 femrat e përzjedhura.
“Femrat e vitit në Greqi” u mirëprit nga ambasada shqiptare në Athinë dhe nderoi me pjesëmarrjen e tij ambasadori i Shqipërisë në Athinë, z. Dashnor Dervishi. Me pjesëmarrjen e tyre nderuan edhe shumë figura të larta të politikës greke, si ministri i Punëve të Brendshme të Greqisë, z. Kulubris, ministri i Punës dhe Mirëqenies Sociale, z. Katrugalos, zyrtarë të lartë pranë kabinetit qeveritar dhe përfaqësues të forcave të ndryshme politike, pjesë e parlamentit grek. Është hera e parë që politika greke është kaq pranë emigrantëve shqiptarë. Mesazhet e tyre, teksa u dorëzonin cmimet fitueseve, ishin mjaft pozitive. Ata u shprehën se duhej bërë më shumë për femrën shqiptare, e cila ka ofruar kaq shumë në shoqërinë greke, por që jo pak herë është lënë në harresë. Gjithashtu, përcollën mesazhin se janë të gatshëm të punojnë për të përforcuar marrëdhëniet midis dy shteteve.
Nga ana e tij, kryetari i Federatës, z. Etmond Guri, tha se roli i Federatës së Shoqatave Shqiptare në Greqi është që të ndihmojë për përforcimin e urës lidhëse midis dy vendeve, të ndikojë në integrimin sa më normal të emigrantëve në shoqërinë vendase, por pa harruar vendin e origjinës, atdheun e tyre. Organizatorja e kësaj mbrëmjeje gala ishte Elona Kataro, e cila tha se të gjitha femrat ishin fituese, përderisa nxirrnin në pah vlerat më të mira të tyre. Ajo theksoi se ky aktivitet ka si qëllim të kthehet në traditë, që cdo vit të vlerësohet kontributi i femrës shqiptare në emigracion. Prezantues të eventit ishin ikona e Televizionit Publik Shqiptar Silvana Brace dhe këngëtari i ri, Klevis Kapaj. Eventi u shoqërua me një program të pasur muzikor. Teksa shikoje aq shumë bukuri të mbledhur së bashku, të vinin ndërmend fjalët e shenjtores sonë Nënë Tereza: “Ne s’mund të; bëjmë dot gjëra të mëdha, vetëm gjëra të vogla me dashuri të madhe”.
Misionarja e filantropisë
Diela Ana Preka, biznesmenia e suksesshme shkodrane, e ka filluar aktivitetin e saj në vitin 1996. Ajo drejton linjën ndërkombëtare të autobuzëve “Anna Tours Interlines”, por paralelisht vazhdon misionin e saj human, për t’u ardhur në ndihmë njerëzve në nevojë. Më 8 prill 2015 krijoi fondacionin “Ana zeri i shpreses” me qender ne Shkoder, me nje personel te kualifikuar, per t’u ardhur ne ndihme femijeve ne nevoje dhe me te drejte u shpall “Femra e vitit ne Greqi” per humanizmin e saj. Por kjo zonje e nderuar shkodrane nuk e ka filluar kete vit aktivitetin e saj human. Diela Ana Preka ketu e shume vite eshte e njohur per filantropine e saj. Femer, grua, nene, nje shpirt human qe mbart vlerat njerezore me te vyera, ndjeshmërinë ndaj nevojes. Ana, eshte nje ze shprese, eshte nje nga ato femra te rralla, qe na frymëzojnë… Ndaj dhe u nderua edhe me titullin e misionares se filantropise.
Për punën e tyre të vyer e shumëvjecare në emigracion u nderuan me cmim vlerësues edhe zonjat Flutura Tafilaku, Panorea Gjoliku, Mimoza Dako dhe Vasilika Sakaj.
Femrat e vitit 2015
Diela Ana Preka – Humanistja e vitit
Enida Shuli – Femra e guximshme
Iris Hajdinaj – Femra e karrierës
Elona Gjergo – Shkrimtarja e vitit
Entela Ballaci Kondi – Mësuesja e vitit e gjuhës shqipe
Kristiana Veliu – Aktivistja e vitit
Ana Hasalla – Nëna model për forcën dhe kurajën
Gjenovefa Redhi – Aktorja e vitit
Teuta Zhapa – Këngëtarja e vitit
Tepi Tanka Preci – Femra duarartë
Armena Johanexhian – Sportistja e vitit
Borana Xhuli – Studentja e vitit
TEMA
