Ditët e fundit, pjesëmarrja e Kinës në “planin zbatues të vaksinave të COVID-19” ka tërhequr vëmendjen e mediave globale dhe ka marrë vlerësimin e gjerë të bashkësisë ndërkombëtare. Deri tani Kina ka prodhuar 4 lloje vaksinash që janë në provën klinike të fazës së tretë dhe ka aftësi të mjaftueshme prodhimi e furnizimi.
“Plani zbatues i vaksinave të COVID-19” synon të bashkojë burimet globale, të shpejtojë prodhimin e vaksinave dhe të nxitë shpërndarjen e drejtë të vaksinave. Parashikohet se deri në fund të vitit 2021, ky plan do të mundësojë të paktën 2 miliardë vaksina COVID-19 të sigurta dhe efektive duke siguruar marrjen e barabartë të vaksinave nga të gjitha vendet pjesëmarrëse në plan.
Furnizimi i qëndrueshëm i vaksinave të sigurta është kushti paraprak për nxitjen e planit zbatues.
Deri tani Kina ka futur 13 lloje vaksina të COVID-19 në provën klinike, ndër të cilat 4 vaksina kanë hyrë në provën e etapës së tretë. Krahas këtyre, jnaë vaksinuar rreth 60 mijë vullnetarë dhe nuk ka njoftime lidhur me efekte anësore.
Kina është zotuar disa herë se do t’i bëjë vaksinat një produkt publik global. Pjesëmarrja e kësajhershme e Kinës në planin zbatues shfaqi përpjeket e Kinës për nxitjen e krijimit të komuniteteve të përbashkëta të shëndetit të njerëzimit.
