VMRO-DPMNE sot në mbrëmje në Shkup do t’i kundëpërgjigjet opozitës duke mbajtur edhe ajo mitingun e paralajmëruar, në orën 20:00
Përfaqësuesi i kësaj partie, Ivica Konevski i bëri thirrje qytetarëve që ti bashkëngjitet protestës së tyre për një Maqedoni me të ardhme më të mirë dhe për të shprehur mbështetjen e tyre për kryeministrin Gruevski.
“Tubimi do të dërgoj disa mesazhe të qarta: Maqedonia është atdheu jonë i cili meriton stabilitet, prosperitet dhe të ardhme më të mirë ekonomike. Ky tubim do të tregoj qartë se vetëm përmes zgjedhjeve demokratike populli vendos kush do të vij në pushtet e kush në opozitë në këtë shtet. Iu bëj thirrje të gjithë qytetarëve të Shkupit, maqedonas, shqiptarë, turq, serb, romë, boshnjakë, vllahë dhe të tjerë në tubim të qetë, ku të gjithë ne do të dëshmojmë se Maqedonia është shumë e rëndësishme për ne që dikush të tentoj ta dëmtoj vetëm për t’i realizuar interesat e tij të ngushta partiake”, deklaroi Konevski.
Kryeministri Gruevski dje tha se Maqedonia do të dalë më e fortë nga kjo situatë, me zgjidhje të bazuar nga vullneti i qytetarëve. Ai theksoi se duhet të gjendet zgjidhje për krizën në Maqedoni.
“Kjo zgjidhje duhet të bazohet në vullnetin e popullit dhe qytetarëve të Maqedonisë. Në bazë të vullnetit të tyre që e treguan gjat zgjedhjeve të fundit. Zgjidhje duhet të gjendet dhe ajo mos të jetë në mënyrë të dhunshme, si që ndoshta dikush ka planifikuar. Dhe zgjidhje do të ketë. Maqedonia do të del ende më e fuqishme nga kjo krizë, me shumë mësime dhe do të ec përpara ende më fuqishëm se sa më herët.” tha Gruevski.
