Policia italiane ka vënë në pranga një shqiptar në Foggia për kundërshtim të punonjësit të policisë.
Mediat italiane shkruajnë se 21-vjeçari Adrian Hajderlli është ndalur në një postbllok por nuk i është bindur urdhrit të policisë duke vijuar rrugën. Madje ndërsa një makinë policie i ka dalë para gjatë ndjekjes ai e ka goditur për ta nxjerrë jashtë rruge.
Por makina e tij mbeti e dëmtuar dhe i riu shqiptar është detyruar të arratiset më këmbë. Pas disa minutash kërkime ai është kapur nga karabinierët dhe është dërguar në qeli për “rezistencë ndaj punonjësit të policisë”.
Pasi është marrë në pyetje është zbuluar dhe motivi i arratisë së tij. 21-vjeçari shqiptar nuk kishte patentë dhe automjeti që drejtonte nuk rezultonte më në qarkullim. Pas daljes para gjykatësit, shqiptari është lënë në arrest shtëpie.
a.ç
