Rrëmben djalin 6 vjeç, i cili i ishte dhënë në kujdestari ish-bashkëshortit, e vret dhe më pas i jep fund jetës.
Një tragjedi e rëndë e cila është shënuar në Waxahachie, në kontenë e Ellis të shtetit të Texas, SHBA.
46-vjeçarja Candace Harbin humbi kujdestarinë e djalit 6-vjeçar Ollie, kështu që vendosi ta vriste, për të hidhëruar ish-bashkëshortin.
Gruaja kishte humbur kujdestarinë e djalit, për shkak të problemeve psikologjike dhe mendore, nga të cilat vuante.
Gjykata i kishte caktuar takime të limituara, vendim të cilin gruaja nuk arrinte që ta pranonte. Alarmi u dha kur vogëlushi nuk shkoi në shkollë këtë të hënë, ditën kur duhet ta shoqëronte e ëma.
Canadace nuk përgjigjej në telefon dhe familja nisi që të dyshonte, duke bërë që të fillojnë hetimet, shkruan noa.al.
Gruaja u gjet e pajetë në makinën që kishte parkuar në garazh dhe pranë saj u gjet edhe trupi i pajetë i djalit. Policia dyshon se gruaja e kishte planifikuar gjithçka prej kohësh.
/a.r
