Sergej Milinkoviç-Saviç është një nga lojtarët më të talentuar të Serisë A. Mesfushori që luan me Lacion, ka disa sezone që ka rënë në sytë e ekipeve “big”. Herë Junajtid dhe herë Inter, janë përpjekur të blejnë lojtarin, por Lotito, presidenti i lacialëve, nuk e ka shitur serbin.
Siç raporton “The Mirror”, Çelsi është skuadra që është vënë në ndjekje të tij. Edhe pse “Blutë e Londrës” janë të dënuar me merkaton të bllokuar, besojnë se në 20 nëntor, apeli do t’i shfajësojë ata, duke hyrë sërish në treg.
Klubi anglez është gati të ofrojë plot 80 milionë euro që në muajn janar, për Milinkoviç- Saviç, para të cilat plotësojnë më së miri kërkesat e Lacios.
Serbi këtë sezon ka luajtur në 15 ndeshje, ku ka shënuar 2 gola dhe ka dhuruar 5 asist.
g.kosovari
