Në mediat italiane raportohet se Romës ka marrë 7000 bileta për finalen e Conference League nga UEFA që do të luajë kundër Feyenoord më 25 Maj në Tiranë.
Bëhet e ditur gjithashtu se UEFA kishte porositur që 3000 prej këtyre biletave që jepeshin falas për tifozët si shpërblim për besnikërinë ndaj klubit në periudhën e pandemisë.
Italianët njoftuan se kishin vendosur që të 7000 biletat të jepeshin për abonentët në stadium gjatë gjithë sezonit.
Por Corriere dello Sport ka zbuluar se dikush prej tyre e ka hedhur biletën e tij online në Ebay menjëherë pasi ka fituar mundësinë e blerjes së saj nga klubi, ose pasi ka qenë pjesë e atyre që e kanë përfituar biletën pa pagesë. Fillimisht me 800 Euro, më pas është shfaqur shifra 10 mijë Euro.
Në media raportohet se nga UEFA çmimet e biletave për finalen që do të luhet në Arenën Kombëtare të Tiranës do të jenë nga 50 deri në 160 Euro.
/a.r
