Në Forumin e Kosovës për Siguri në Rrugë u tha se gjendja e sigurisë në komunikacionin rrugor vend është shqetësuese dhe është përkeqësuar dukshëm gjatë muajve të verës duke rezultuar kështu edhe me humbjen e jetëve të njerëzve.
Drejtori i policisë së Komunikacionit në Policinë e Kosovës, Sheremet Ahmeti tha se nuk mund të jemi të kënaqur me sigurinë në komunikacionin rrugor. Ahmeti tha se shtatori është muaji më i rëndë i këtij viti, pasi që vetëm brenda këtyre ditëve kanë qenë 14 persona të vdekur, derisa vitin e kaluar, gjatë gjithë shtatorit ishin 10 persona të vdekur. (javanews.al / a.n)
