Mediat serbe nuk e kanë pritur aspak mirë triumfin e Majlinda Kelmendit në kampionatin evropian të xhudos. Mediat në Serbi duket se janë tejet të acaruara për faktin se himni i Kosovës u interpretua në Rusi, me rastin e shpalljes kampion evrope të Majlinda Kelmendit, transmeton Gazeta Blic.
Xhudistja Majlinda Kelmendi, e cila përfaqësoi Kosovën, fitoi titullin kampion Evrope në qytetin rus të Kazan në kategorin 52 kilogramë.
“Rusia, e cila nuk e ka njohur pavarësinë e Kosovës, u detyrua të lejonte flamurin dhe himnin e të ashtuquajturit shtet të Kosovës”, shkruan portali serb ‘Kurir.rs’
Gjatë ceremonisë së dhurimit të medaljeve u interpretua himni i Kosovës, të cilin e përshëndetën edhe ushtarët rusë.
