Moderatori Blendi Fevziu ka debatuar me avokain Fatmir Merkoçi, një prej kandidatëve të Primareve të Partisë Demokratike për Tiranën. Fevziu e pyeti Merkoçin e ftuar në ‘Opinion’ se cilat janë pikt e tij kryesore që do të ndryshonte në Tiranë, por avokati tha se nuk ka një të tillë, pasi atë e bën partia. Merkoçi u shpreh se ai sot kërkon votën e anëtarëisë dhe jo të qytetarëve, kështu që nuk ka pse të prezantojë platformë. Replikat mes tyre vijuan.
Pjesë nga bisedat:
Blendi Fevziu: Ec me tre pikat e zotit Merkoçi, kush janë
Fatmir Merkoçi: Tre pikat kryesore
Blendi Fevziu: E çfarë propozoni ju si kandidat për kryetar bashkie
Fatmir Merkoçi: Ne kemi krijuar një parti të djathtë, duke qenë se PD-ja ka qenë një…
Blendi Fevziu: Çfarë do bëni për Tiranën
Fatmir Merkoçi: A ka mundësi Blendi, unë kam garën brenda Partisë
Blendi Fevziu: S’më duhet mua ç’do bëjë PD-ja, më duheni ju, programi juaj
Po unë s’kam ardhur këtu për partinë, kam ardhur për konceptin konservator, nuk jam përballë Partisë Socialiste dhe Erion Veliajt këtu, kjo është gafa më e madhe, dalin me program dhe pastaj…
Blendi Fevziu: Ti do u përgjigjesh pyetjeve që të bëj unë, çfarë programi keni për qytetin
Fatmir Merkoçi: Jo
Blendi Fevziu: Si jo? Për qytetin po kandidoni, jo për PD-në.
Fatmir Merkoçi: Dalim te e majta pastaj dhe bëjmë propagandë, unë pot ë them që jam në konceptin e konservatorit.
Blendi Fevziu: Ore s’më duhet koncepti yt, por koncepti im.
Fatmir Merkoçi: Unë ofroj një fushatë që të dal i pari dhe të përmbys Erion Veliajn. Të caktojmë çfarë janë Primaret.
Blendi Fevziu: Ç’më duhen mua primaret, çfarë projekti keni për të djathtët
Fatmir Merkoçi: Por s’ma jep qytetari mua, por anëtarësia
Blendi Fevziu: Po e kërkon për qytetin more
Fatmir Merkoçi: Anëtarësia me voton mbi bazën e vlerave dhe kontributeve
Blendi Fevziu: Dhe mbi programin që ke për qytetin. Ke program s’ke program.
Fatmir Merkoçi: Programi është i partisë
Blendi Fevziu: Po si i partisë more, çfarë diference keni ju, merrni programin pra dhe dilni, ç’rëndësi ka pastaj
Fatmir Merkoçi: Këtu koncepti janë Primaret
Blendi Fevziu: E ke marrë programin ti zotëri, cilat janë pikat e platformës tëndë për qytetin, çfarë vizioni ke pqr qytetin.
/a.r
