Kategoria Superiore, sezoni 2018-2019 ka ulur siparin. Partizani ishte shpallur me kohë kampion, ndërsa Kukësi e mbyll në vend të dytë dhe Teuta parakalon Skënderbeun dhe e mbyll e treta me fitoren e sotme. Humbet Kastrioti dhe bie nga Kategoria, por pasi Tirana po fitonte 3-0 ndaj Flamurtarit dhe kishte siguruar mbijetesën. Tani, dilema e fundit mbetet Laçi apo Tirana në Europa League. Do të vendosë finalja e Kupës së Shqipërisë.
Stadiumi “Selman Stermasi”, Tiranë
Tirana-Flamurtari 3-0
Golat: Doka 65′, 67′, Hasani 79′
TIRANA: Lika; Kërçiku, Goxha, Imami, Hoxhallari, Cake, Hasani, Doka, Cobinah, Greca, NGoo.
FLAMURTARI: Kolici; Deliaj, Pollozhani, Kotobelli, Musta, Ymeraj, Mustafa, Rrapaj, Ribaj, Haruni, Cale
Duhej fitore për të larguar fantazmat dhe ashtu ndodhi. Në “Selman Stermasi”, djemtë e trajnerit Mema kanë mundur që të zhbllokohen edhe psikologjikisht në pjesën e dytë, pas 45 minutave të para që ishin me një futboll mediokër dhe plot frikë nga bardheblutë. Tirana ka gjetur golin e parë në të 65′, kur Doka ka përfituar nga një rrëmujë në zonë.
Po futbollisti i talentuar i kryeqytetasve ka shënuar edhe golin e dytë, me një perlë nga jashtë zone. Më pas, Hazani ka vulosur suksesin 3-0, për festën e tifozerisë dhe qëndrimin e merituar. Hija e së shkuarës mund të quhet e mundur, pasi kampionati mbyllet kështu, edhe pse për sezonin tjetër do të duhet më shumë se sa kaq, sigurisht. Tani mbetet edhe finalja e Kupës, ndaj Kukësit, që do të vendosë edhe Europa League për bardheblutë.
