Demokratja Hillary Clinton i ftoi shtetasit amerikanë për të shkruar së bashku me të një faqe të re në historinë e SHBA-së për emërimin në Shtëpinë e Bardhë në muajin nëntor, duke hedhur poshtë mesazhin e “pakënaqësisë” të republikanit Donald Trump.
Tetë vite pas disfatës së saj kundër Barack Obama-s, kandidatja 68 vjeçare pohoi në mënyrë legjitime fitoren në fushatën aktive të paraprakeve kundër senatorit të Vermontit, Bernie Sanders.
Pas një raundi të ri zgjedhor, ajo fitoi një numër të shumtë delegatësh për të siguruar mbështetjen e partisë në konventën e Filadelfias, në fund të muajit korrik.
Ajo fitoi bindshëm në Kaliforni, element i rëndësishëm i “super të martës” së fundit të paraprakeve, në përfundim të një rezultati zgjedhor mjaft të ngushtë. Një fitore simbolike që pritet të rrisë presionin mbi kundërshtarin e saj, në mënyrë që ai të lërë garën.
Me grushtin lart, Bernie Sanders u betua të vijojë “revolucionin e tij politik” deri në parapraken e fundit, të martën e ardhshme në Uashington. Duke parashtruar ndoshta një portë dalëse, ai vuri theksin se prioriteti i tij ishte lufta e ideve dhe fakti për të penguar Donald Trump të zgjidhet president. (java /r.a)
