Trajneri Claudio Ranieri, që drejton “Lester”, është shpallur si trajneri më i mirë italian këtë sezon, dhe atij i ka shkuar çmimi vjetor “Enco Bearcot”.
Presidenti i Shoqatës së Futbollit të Italisë Karlo Tavekio njoftoi informacionin, duke e quajtur Ranierin si “simbol i përsosmërisë italiane jashtë vendit.”
Pas sezonit të kaluar, kur mezi arriti të mbijetonte në Premier League, Lester tani, një vit më vonë, është në vendin e parë në renditjen e Premier.
Ekipi i Claudio Ranieri-t ka shtatë pikë para Tottenham-it të vendit të dytë dhe ekipi ka nevojë për vetëm 12 nga gjashtë ndeshjet e mbetura për të siguruar titullin.
Lesterin, Ranieri e mori pak para fillimit të sezonit, njeriu që ka trajnuar dhe Fiorentina, Valencia, Atletico Madrid, Chelsea, Juventus, Roma, Inter, Monaco dhe ekipin kombëtar grek. Fituesit e mëparshëm të çmimit janë Cesare Prandelli (2011), Walter Macari (2012), Vincenzo Montella (2013), Carlo Ancelotti (2014) dhe Massimiliano Allegri (2015)
Çmimi do t’i jepet Ranierit më 9 maj në Romë.
Çmimi “Enco Bearcot” është themeluar në vitin 2011 për nder të strategut italian që i dërgoi “azzure” në titullin e kampionit të botës në vitin 1982.
Enco Bearcot vdiq në vitin 2010.
