Deputeti Erion Braçe deklaroi pas daljes nga parlamenti se nuk i trembet sulmeve fizike nga PD, duke thënë se ka kaluar ngjarje shumë më të rënda. Braçe përmendi 26 majin dhe 21 janarin, duke iu referuar dhunës mbi opozitën socialiste pas zgjedhjeve të 26 majit 1996 dhe vrasjeve te kryeministria më 21 janar 2011, pas protestave të opozitës.
“Ja kjo është opozita e dekriminalizmit të këtyre. Kam duruar shumë sharje nga Sali Berisha e të tjerët pas tij. Nuk i duroj asnjë sekondë më fyerjet e Ristanit e Berishës nuk i duroj më.
Kur kam kaluar 26 majin e këtij krimineli dhe 21 janarin e këtij krimineli, nuk ia kam frikën kësaj bande”, tha Braçe.
