Pjesëtarët e “Civilna zastita” (Mbrojtjes Civile), strukturat paralele serbe të sigurisë në veri të Kosovës, nuk e kanë ndërmend të shpërbëhen, sipas medias kosovare. Sot, një grup i tillë prej disa personave është parë në veri të vendit duke e penguar që të kthehen në shtëpinë e tyre qytetarë të Kosovës.
Situata nuk është përmirësuar as me praninë e Policisë së Kosovës, përderisa në vendin e ngjarjes u panë edhe pjesëtarë të “Civilna Zastita”. Këta madje dolën më të fortë se Policia e Kosovës.
Të njëjta burime, bëjnë me dije se Policia e Kosovës u detyrua të tërhiqet dhe kjo çështje të mbetet për një afat tjetër.
