Dy bashkëshortët Luftar dhe Pranvera Buzi, pas vdekjes së të birit në një aksident automobilistik dhe pas moszbardhjes së shkaqeve të aksidentit bënë thirrje kundër prokurorit të çështjes. Për thirrjet e tyre kundër prokurorit ata u proceduan penalisht dhe gruaja u arrestua.
Pas lirimit i ati i viktimës, Luftar Buzi ka reaguar duke treguar se si qëndron e vërteta e kërcënimeve.
Sipas tij ai nuk ka bërë asnjë kërcënim kundër ndonjë prokuroi, por thotë se përgjegjësi nuk është gjendur ende. Buzi thotë se prokurori është përgjegjës për mos zbardhjen e të vërtetës dhe autori duhet të dënohet dhe jo të qëndroj i lirë.
Ndërsa bashkëshortja e tij Pranvera Buzi shprehet se ajo është në dijeni të letrës kërcënuese të prokurorit të çështjes, por tha se nuk e ka shkruar ajo.
Ajo vijon se në letrën drejtuar kryeministrit shkruajti ndjenjat emocionale të saj. Ata bënë apel që të zbardhet e vërteta deri në fund.
“Në letër shkruajta që do vrasë veten dhe gruan dhe jo do vras prokuronin”, tha ajo.
Mbrëmë policia kontrolloi shtëpinë dhe bene shoqërimin në ambientet e komisariatit. Por avokati i tyre tha se marrja e tyre në policia ka qenë e gabuar dhe kjo është një shkelje. Sipas avokatit këta shtetas nuk përbëjnë rrezik./Panorama/a.m.
