Vladimir Putin pritet të ndërmarrë një kundërofensivë në përpjekje për të rimarrë territorin në rajonin e Kurskut të kapur nga trupat ukrainase. Ky është paralajmërimi i bërë publik nga zëvendësdrejtori i CIA-s amerikane, David Cohen. Por, sipas zyrtarit të lartë të inteligjencës amerikane forcat ruse do të hasin me “një luftë të vështirë”.
“Ne mund të jemi të sigurt se Putini do të ndërmarrë një kundërofensivë në përpjekje për të rimarrë atë territor. Unë mendoj se pritshmëria jonë është që kjo të jetë një luftë e vështirë për rusët. Putin, jo vetëm që do të duhet të përballet me faktin se ka një vijë të frontit brenda territorit rus me të cilën ai do të përballet, por ai duhet të përballet edhe me jehonën në shoqërinë e tij për faktin se kanë humbur një pjesë e territorit rus”, tha David Cohen.
Cohen tha në një konferencë për industrinë e sigurisë kombëtare amerikane, se rëndësia e inkursionit ukrainas, i cili ka kapërcyer rreth 777 km katror të provincës ruse, mbetet për t’u parë. Ndërsa Kievi ka thënë se nuk ka ndërmend të aneksojë zonën që ka kapur, trupat ukrainase po ndërtojnë linja mbrojtëse dhe duket se ata synojnë të mbajnë “disa nga ai territor për një periudhë kohore”, tha Cohen në Samitin e Inteligjencës dhe Sigurisë Kombëtare, raporton A2.
Cohen pranoi faktin se Rusia ka bërë fitime territoriale por “me kosto të jashtëzakonshme” në trupa dhe pajisje dhe “mundet ose jo” të kapë qendrën kryesore logjistike të Ukrainës, Pokrovsk.
“Por në fund të ditës, asnjë prej tyre nuk është një ndryshim i lojës në një kuptim strategjik” për rusët, theksoi ai.
Të martën, presidenti ukrainas Volodymyr Zelenskiy tha se lufta me Rusinë do të përfundonte në dialog, por Kievi duhej të ishte në një pozicion të fortë dhe se ai do t’i paraqiste një plan presidentit amerikan Joe Biden dhe dy pasardhësve të tij të mundshëm.
