“Shqipëria po i përmbush me ritme të shpejta të gjitha reformat dhe për këtë duhet të anëtarësohet në BE para vitit 2030”. Kështu u shpreh ministri i Jashtëm Italian, Antonio Tajani vlerëson progresin e Shqipërisë dhe thotë se kjo po arrihet falë vullnetit politik.
Avokati Idajet Beqiri, i ftuar në “Ora e Fundit” në ABC News theksoi se jo vetëm Tajani, por edhe liderët e Bashkimin Evropian kanë pohuar se Shqipëria meriton të anëtarësohet në union brenda 2030.
Ai theksoi se Shqipëria e vogël është kthyer sot në një zë të fuqishëm.
“Nuk fakt nuk është vetëm konstatimi i ministrit të jashtë të Italisë, por ne e pamë, që në Shqipëri kur ishte samite i fundit i shteteve të Evropës, të gjithë ishin tepër entuziastë dhe nënvizuan se çfarë arritje ka Shqipëri faktikisht dhe se pse ajo e meriton të jetë pjesë e BE. Këto vite, nga 2013, e në vazhdim, Shqipëri ka bërë hapa të jashtëzakonshëm përpara në çdo fushë të jetës. Këto duken kudo. Një Shqipëri e vogël është bërë një zë i fuqishëm kudo në botë”, tha ai.
Ai theksoi se reforma në drejtësi është një nga instrumentet, që ka rritur besimin dhe imazhin e Shqipërisë në arenën ndërkombëtare.
“Reforma në drejtësi ishte iniciativë seriozë e PS, në fushatën elektorale që bëri në 2013, u finalizua pastaj me procesin e vettingu, me pastrimin e sistemit gjyqësor dhe prokurorisë dhe me krijimin e SPAK dhe po shikohen frytet, SPAK dhe GJKKO kanë godituri krimin e lartë shtetërore, korrupsionin, krimin e organizuar”, tha ai.
Avokati u ndal dhe tek Partia Demokratike dhe marrëveshja e saj me Chris LaCivita, për zgjedhjet e përgjithshme parlamentare të 2019. Sipas tij, strategu i fushatës së Partisë Demokratike ka marrë nga Sali Berisha 20 milionë dollarë.
Ai theksoi se këto para ish-kryeministri ua ka vjedhur shqiptarëve.
“Chris LaCivita “defacto” i mori 20 milionë dollarë nga gjaku dhe djersa e shqiptarëve, të cilat ua kishte përvetësuar Saliu dhe i dha pa kursim LaCivita. Ai është në të drejtën e vet, sepse do justifikojë paratë që ka marrë.
Berisha nuk ka justifikuar asgjë në këtë vend. Nuk ka justifikuar vrasjet e 2 prillit në Shkodër, shkatërrimin e të gjithë ekonominë e vendit”, tha ai.
