Chelsea ka arritur edhe një fitore të rëndësishme në rrugën drejt titullit kampion në Premier Ligë.
Ekipi i Antonio Contes ka mposhtur Southamptonin 4 me 2 në ndeshjen e vlefshme për xhiron e 34-të në Angli. Eden Hazard hapi serinë e golave pas vetëm pesë minutash lojë.
Oriol Romeu barazoi gjithçka në minutën e 24-të, para se Gary Cahill të kalonte sërish Chelsean në epërsi në fund të pjesës së parë. Në pjesën e dytë Diego Costa realizoi dy herë për të kompletuar “pokerin” e Chelseat. Në fund shënoi edhe Ryan Bertrand për 4 me 2.
Chelsea tani ka 78 pikë në krye të tabelës, shtatë pikë para ndjekësit të parë Tottenham Hotspur që ka një ndeshje më pak të zhvilluar. (b.an)
