Chelsea e ka nisur vitin e ri me barazim pasi blutë e Londrës për llogari të javës së 21 të Premier League kanë ngecur me rezultatin 1-1 në transfertë kundër Brighton. Skuadra e drejtuar nga Lamprad vinte pas një fitoreje më përmbysje ndaj Arsenal, por pavarësisht atmosferës pozitive sot nuk i maftoi goli i Azpilicueta-s.
Mbrojtësi spanjoll që mban edhe shiritin e kapitenit në minutën e 10 dërgoi në portë një top të mbetur në zonë pas një rrëmuje si pasojë e zhvillimit të një goditje këndi. Në minutat në vijim Chelsea dështoi në disa raste për të shënuar golin e sigurisë dhe atëherë kur nuk pritej Brighton barazoi rezultatin.
Jahanbaksh në minutën e 84 realizoi një perlë me roveshiatë, duke sigluar edhe rezultatin përfundimtar të këtij takimi.
Ndërkohë më keq se Chelsea e ka nisur vitin skuadra tjetër e Londrës Tottenham, që në përballjen me Southampton është mposhtur 1-0 në transfertë. Ekipi i Southampton ia doli të merrte tre pikët falë golit të Dani Ings në minutën e 17. Si pasojë e humbjes skuadra e Mourinho-s e sheh veten -5 pikë nga vendi i katërt që është edhe pozicioni i fundit që të çon në zonën Champions. /e.s/
