Chelsea është e gatshme t’i ofrojë belgut Eden Hazard pagë prej 300 mijë funteve në javë (rreth 343 mijë euro), në mënyrë që ta ndalë atë nga kalimi te Real Madridi.
E përditshmja spanjolle “Sport” shkruan se Roman Abramovich kërkon me çdo kusht që ta mbajë yllin e skuadrës në “Stamford Bridge” këtë verë, transmeton KTV.
Dhe pavarësisht se Reali do të ofrojë 87 milionë funte pas Kupës së Botës, Chelsea do të mundohet që në çdo mënyrë ta mbajë në ekip njeriun kryesor.Për momentin, Hazard përfiton 200 mijë funte në javë, ndërsa kontrata e tij përfundon në vitin 2020, por kjo verë mund të jetë vendimtare për të ardhmen e tij.
Këtë sezon me “Blutë e Londrës”, Hazard ka 15 gola e 11 asistime në 43 paraqitje në të gjitha garat, përgatiti Koha. (b.an)
