Aeroplanmbajtësja franceze ”Charles-de-Gaulle” së bashku me 26 avionë luftarakë të angazhuar në luftën kundër Shtetit Islamik në Siri dhe në Irak u larguan sot nga Gjiri për të kaluar nën komandën e koalicionit nën drejtimin amerikan, bëhet sot e ditur pranë Ministrisë franceze të Mbrojtjes.
“Charles-de-Gaulle’ kaloi ditën e hënë Ngushticën e Hormuzit, e shoqëruar nga gjashtë anije (katër fregata, një nëndetëse dhe një anije mallrash dhe një komanduese) me orientim drejt Mesdheut”, njoftoi një zyrtar i Ministrisë së Mbrojtjes, pa dhënë detaje të mëtejshme për destinacionin e radhës.
“Charles-de-Gaulle’ ia la drejtimin e komponentit të marinës së koalicionit ndërkombëtar, që lufton kundër Shtetit Islamik (ISIS) në Siri dhe në Irak, aeroplanmbajtëses amerikane Truman”, saktësoi ai.
