PSG dhe Reali i Madridit janë sot dy ndër ekipet më të mira në Evropë, dhe lojtarë të mëdhenj kanë veshur fanellat e të dyja këtyre ekipeve.
Ndoshta i fundit që mund të kujtoni është Di Maria, i cili luante me Realin deri në vitin 2014, ndërsa sot në mbrëmje do të tentojë të eliminojë ekipin me të cilin ka fituar trofeun e vetëm të Ligës së Kampionëve.
Por jo vetëm argjentinasi, ja kush janë disa lojtarë të tjerë të njohur që kanë veshur fanellat e të dyja ekipeve:
Lassana Diarra ose i njohur si Lass u afrua në merkaton e janarit te PSG-ja. Disa ndoshta nuk e mbajnë mend, por ai ka luajtur me Realin në vitet 2009-2012.
Hese ishte lojtari i fundit që kaloi në mënyrë direkte nga Reali te PSG-ja. Parisienët paguajtën 22 milion euro në vitin 2016 për shërbimet e tij, por eksperienca e tij në Francë nuk ishte aspak pozitive, duke u larguar pas vetëm disa muajsh.
Dejvid Bekam/ Anglezi ishte një ndër yjet e epokës së parë të galaktikëve te Reali, por ai zgjodhi ta mbyllte karrierën pikërisht te PSG-ja në sezonin 2012-2013.
Gabriel Heinze/ Mbrojtësi argjentinas luajti për katër sezone te PSG (2000-2004) dhe për dy sezone te Reali (2007-2009).
Makelele/ Edhe ky një pjesë e rëndësishme e epokës “Perez 1”. Ashtu si Bekam zgjodhi ta mbyllte karrierën te PSG-ja në 2011.
Nikolas Anelka/ Sulmuesi ka ndryshuar aq shumë ekipe, aq sa jo kushdo mund ti mbajnë mend. Gjithsesi ai e filloi karrierën te PSG dhe luajti me Realin për një sezon (1999-2000), ku fitoi Ligën e Kampionëve. Pas këtij sezoni, u rikthye përsëri te PSG-ja.
