Bayern kundër Arsenalit, Paris SG kundër Barcelonës. Janë këto dy përplasjet më të mëdha të dala nga shorti i Champions League, të sapohedhur në Nyon. Këto çifte janë parë disa herë në vitet e fundit dhe gjithmonë gjermanët e spanjollët kanë ecur më tej.
Kampioni në fuqi, Real Madrid, do të ndeshet me Napolin, ndërsa finalisti i mundur i sezonit të kaluar, Atletico Madrid, shkon përsëri në Gjermani, për t’u ndeshur me Bayer Leverkusen.
Manchester City, një nga kandidatët për fitoren finale, vihet përballë Monacos, ndërsa Juventus do të ndeshet me Porton.
Debutuesi Leicester City do të luajë përballë Sevillas, një short vërtet shumë i mirë për skuadrën e Ranierit, duke marrë në konsideratë që kishte skenarë shumë më të tmerrshëm se kaq.
di
Champions, spikatin Bayern-Arsenal e Paris-Barça, Reali shkon në Napoli, buzëqesh Juve
