Për zikaltërit ajo e nesërmja kundër Barcelonës mund të konsiderohet si ndeshja më e rëndësishme e sezonit. Është ndeshja e fundit në fazën e grupeve në kuadër të Uefa Champions League, dhe një fitore do t’i siguronte një biletë për të kaluar më tej në tur.
Barcelona ka komunikuar ditën e sotme që për këtë sfidë do të mungojnë lojtarë si Messi, Pique dhe Jordi Alba, çka ka bërë Interin që të fërkoj duart dhe të shpresojë në një fitore. Barcelona e ka siguruar vendin e parë në grup, dhe një hap fals ndaj zikaltërve nuk do t’i kushtonte shumë.
Për të mundur miqtë “Blaugranas”, tekniku Conte i ka të qarta idetë në kokën e tij. Me një mesfushë të cunguar për shkak të dëmtimeve, alternativat mungojnë dhe tekniku është i detyruar që të rreshtohet në këtë repart me treshen Bojra Valero-Marcelo Brozocvic-Mattias Vecino. Në portë do të jetë kapiteni Handanovic, që në shumë raste ka bërë edhe shpëtimtarin për ekipin milanez.
Mbrojtja ka konfirmuar çdo javë paraqitjet pozitive dhe me treshen Skriniar-De Vrij-Godin, reparti i prapavijës është në duar të sigurta. Dyshimi i vetëm për trajnerin Conte janë krahët e mesfushës, në krahun e djathtë duket thuajse e sigurt prezenca e Danilo Dambrozios.
Në krahun e majtë të mesfushës është edhe dilema e teknikut Italian. Për një vend titullari janë në balotazh Lazaro dhe Biraghi. Me italianin që shikohet më i favorizuar, pasi në ndeshje të këtyre përmasave ofron më shumë siguri.
Ndërsa në sulm, nuk ka dyshime. Dyshja Martinez-Lukaku, do të ketë në dorë fatin e ekipit zikaltër, pasi nga ata pritet që të shënohen golat që janë çelësi i vetëm për të siguruar kualifikimin në fazën tjetër.
Formacioni i mundshëm:
Inter (3-5-2): Handanovic; Godin, De Vrij, Skriniar; D’Ambrosio, Vecino, Brozovic, Borja Valero, Biraghi; Lautaro Martinez, Lukaku.
