Monaco ka harruar se si fitohet. Francezët nuk kanë shkuar më larg se një barazim 1-1 në takimin e tretë në grupet e Champions League ndaj Club Brugge. Në “Jan Breydel Stadion” të Brugge ishin miqtë ata që kaluan në avantazh me anë të Sylla.
Një gol që krijoi idenë e një triumfi të Monaco pas 11 takimesh, por rrjeta e Wesley në minutën e 39-të i dha një pikë belgëve. Me këtë barazim Monaco e Brugge nuk bëjnë asnjë hap para, pasi mbajnë vendet 3 dhe 4 në grupin A në kuotën e 1 pike.
Barazim edhe në takimin e grupit B, atë mes PSV dhe Tottenham Hotspur. Holandezët dhe anglezët zhvilluan një takim spektakolarë, duke barazuar 2-2. Lozano kaloi në avantazh miqtë, ndërkohë që Lucas e Kane përmbysën gjithçka.
Megjithatë, mbetja me 10 futbollist e “gjelave” i dha hapësira PSV për të gjetur rrugën e rrjetës me anë të de Jong. Me këtë barazim Tottenham e PSV mbajnë vendet 3 dhe 4 në grup në kuotën e 1 pike.
a.ç
