Mario Mandzukic nuk do të ketë mundësi të vihet përballë Pep Guardiolës, të paktën për ndeshjen e parë në Champions League. Sulmuesi kroat i Juventusit, i dëmtuar në ndeshjen kundër Interit të mërkurën për Kupën e Italisë, pritet të mungojë për katër javë dhe do të kapërcejë takimin me Bayern në Torino.
Mandzukic, një nga lojtarët më të rëndësishëm te Bayern në sezonin e tre titujve, u largua pa u mbyllur ende sezoni i parë nën drejtimin e Guardiolës, duke mos qenë i pranishëm as në triumfin e Kupës së Gjermanisë. Ai shkoi për një vit te Atletico Madrid dhe prej andej te Juventus. Pas një starti të ngadaltë, kroati është bërë në një pikë referimi fiks në formacionin bardhezi, me volumin e zakonshëm të madh në sulm, që e bëri atë të preferuarin e Jupp Heynckess.
Veç tij, për Juven do të mungojë për katër javë edhe Asamoah.
