Sot në mbrëmje, me takimin midis Beshiktashit dhe Napolit në orën 18:45 në Stamboll, nisin ndeshjet e kthimit të fazës së grupeve në Champions League. Janë plot dhjetë skuadra që mund të presin biletën e kualifikimit në raundin me eliminim direkt, pesë prej tyre që sot, ndonëse për pozicionet përfundimtare ndoshta do të duhet edhe takimi i fundit.
Grupi A — Arsenalit dhe Paris SG sigurojnë kualifikimin nëse fitojnë sot në transfertë, përkatësisht kundër Ludogorets e Basel. Për vendin e parë në grup duhet pritur, pasi janë me pikë të barabarta.
Renditja: Arsenal 7, PSG 7, Basel 1, Ludogorets 1.
Grupi B — Skuadrat janë të ngjeshura dhe një fitore e Napolit ose e Beshkiktashit do t’i vinte në pozita të mira, ndërkohë që Benfica synon të përfitojë, në rast fitoreje në shtëpi me Dinamo Kiev.
Renditja: Napoli 6, Besiktas 5, Benfica 4, Dinamo 1.
Grupi C — Barcelonës i mjafton një barazim në Etihad Stadium për të kaluar grupin, por Luis Enrique nuk ka në dispozicion shumë lojtarë: Piqué, Iniesta, Jordi Alba, Mathieu e Aleix Vidal, të gjithë të dëmtuar. Kthehet Arda Turan. Probleme në mbrojtje edhe për Guardiolën. Borussia Moenchengladbach mund të përfitojë për t’u ngjitur në vendin e dytë, nëse mund Celtic.
Renditja: Barcelona 9, Manchester City 4, Borussia 3, Celtic 1.
Grupi D — Atletico Madrid siguron kualifikimin në rast se mund Rostov, ndërsa Bayern e arrin kualifikimin nëse fiton në Eindhoven dhe rusët nuk fitojnë në Madrid. Ancelotti humbet përsëri Javi Martinez për probleme fizike.
Renditja: Atletico 9, Bayern 6, PSV Eindhoven 1, Rostov 1.
d.i.
Champions League, pesë skuadra mund të presin sot biletën për raundin tjetër
