Një situatë paradoksale është krijuar në kampet e dy ekipeve, Liverpool dhe Manchester City, për ndeshjet e vlefshme për çerekfinalet e “Champions League”.
Të mërkurën e javës së ardhshme do të luhet ndeshja e parë në “Anfield” dhe sipas raportimeve të mediave angleze nuk ka mbetur më asnjë biletë. Shumë tifozë të “The Reds” të cilët janë besnikë të përhershëm të skuadrës kanë mbetur të zhgënjyer.Ndërkohë që mësohet që tifozët e Liverpool kanë ezauruar të gjitha biletat në ndeshjen e kthimit që do të luhet në “Etihad Stadium”.
Nga ana tjetër, pavarësisht se City po bën një sezon të madh në ‘Premier League’ dhe është mes tetë më të mirëve në Champions League, nuk ka arritur të mbushë plotë Etihad për asnjë nga ndeshjet europiane këtë sezon. Dhe nga se raportohet diçka e tillë nuk do të ndodhë as me Liverpool.( BalkanWeb)
