Liverpooli është skuadra që ka kaluar për në fazën e gjysmëfinaleve të kompeticionit të “Uefa Chmapions League”. Skuadra e drejtuar nga tekniku gjerman, Jurgen Kloop, arriti që të barazojë në sfidën e kthmit të zhvilluar në “Etihad Stadium” kundër Manchester Cityt me rezultatin 1-1 dhe për të kaluar për në fazën tjetër të këtij kompeticionit.
Miqtë ishin shumë më të avantazhuar për të kaluar për në fazën tjetër pasi kishte fituar me rezultatin e pastër 3-0 në ndeshjen e parë në “Anfield Road”, por që me startin që City bëri në sfidën e mbrëmjes së sotme u duk se gjithçka dhe mund të përmbysej.
Gabriel Jesuz zhbllokoi që në minutën e dytë ndeshjen që ndezi shpresat e vendasve për një përmbyjse të mundëshme. Pjesa e parë foli totalisht për Manchesterin që krijoi shumë raste për shënim me anë të Bernardo Silvës që iu mohua goli nga shtylla, ndërsa në minutën e fundit iu anullua një gol i rregullt i Sane.
Një gol që solli mjaft polemika nga vendasit ku nuk munguan dhe protestat e trajnerit Guardiola që u ndëshkua nga gjyqtari për ta ndjekur pjesën e dytë në tribunë.
Megjithatë, shpresat e vendasve u shuan në minutën e 56-të, ku Muhamed Salah konkretizoi në mënyrë perfekte një kundërsulm të ekipit të tij duke mposhtur portierin Ederson.
Gol që demoralizoi lojtarët e Cityt pasi shanset për të kaluar për më tej ishin shumë të vështira dhe ky moment u shfrytëzua mjaft mirë nga Liverpooli që gjeti dhe golin e dytë në minutën e 77-të të takimit me anë të Firmonos. Një kualifikim mëse i merituar për Liverpoolin që kalon për në fazën gjysmëfinale. (Tema)
