Kanë përfunduar dhe dy ndeshjet e fundit të kompeticionit të “Uefa Champions League” të cilat ishin Porto-Juventus dhe Sevillia-Leicester. Kampionët në fuqi të Italisë kanë marrë një fitore me aromë kualifikimi për në raundin e fazës së çerekfianle duke fituar ndeshjen e parë në transfertë.
Bardhezinjtë e drejtuar nga, Massimiliano Alegri, triumfuan me rezultatin e pastër 2-0, duke hedhur një hap të rëndësishëm për në raundin tjetër pasi do ta presin te qetë ndeshjen e kthimit që do të zhvillohet në “Juventus Stadium”.
“Zonja e Vjetër” arriti që të dominojë gjatë gjithë 90-minutave takimin ndaj Portos, e cila u detyrua që të luajë për rreth 63-minuta me një lojtarë më pak, për shkak të daljes me karton të kuq të Tellas në minutën e 27-të të pjesës së parë.
Golat e fitores për Juventusit do të vinin në pjesën e dytë, ku i pari që arriti të zhbllokojë rezultatin ishte Pjaca në minutën e 72-të. Nuk kaluan as dy minuta dhe Dani Avlesh shënon golin e dytë për bardhezinjtë, duke i dhënë një fitore mjaft të rëndësishme skuadrës së tij.
Ndërkohë, në sfidën tjetër Sevillia mposhti në fushën e saj ekipin kampion të “Premier League”, Leicesterin. Vendasit fituan me rezultatin e ngushtë 2-1 duke lënë të hapur kualifikimin i cili do të vendoset në sfidën e kthimit në Angli. Autorët e golave për Sevillian ishin Sarabia dhe Correa, ndërsa për Leicesterin shënoi Vardy
