Skuadra e Tottenhamit, finaliste e edicionit te shkuar te Championsit, mori një shuplakë të fortë nga Bayerni i Mynihut, qe e mposhti me rezultatin e thellë 2-7 brenda në Londër.
Golit të shënuar nga Son Heun-Ming për vendësit që në minutën 12-të iu përgjigjën Kimich e Lewandowski në pjesën e parë. Gnabri shpërtheu me katër gola në fraksionin e dytë, plus finalizimit të dytë personal të Lewandowskit, ndërsa goli i Harry Kane me 11-metërsh thjesht shërbeu për statistikë.
Po në Grupin B, Crvena Zvezda fitoi 3-1 me përmbysje Olympiacosin, që luajti nga minuta e 58-të me një lojtar më pak.
Juventusi dhe Atletico Madridi, pretendentët e Grupit D, fituan ndeshjet respektive, bardhezinjtë 3-0 në Torino me Bayer Leverkusen (shënuan Higuain, Bernardeschi dhe Cristiano Ronaldo) dhe “Los Colchoneros” 0-2 në fushën e Lokomotivës së Moskës (shënuan Joa Felix dhe Thomas).
Në Grupin C, Manchester City vuajti ndaj Dinamos së Zagrebit, të cilën e mposhti me rezultat minimal, me gol të Raheem Sterling.
Në Grupin A, PSG me fitoren 0-1 në fushën e Galatasaray-t, me gol të Mauro Icardit, qëndron në krye të grupit me pikë të plota pas dy ndeshjesh./l.m
