Shpirti luftarak i ndërthurur me eksperiencën, bëri që Juventus të kalojë në fazën çerekfinale të “Champions League”, duke mposhtur Tottenhamin. Së bashku me kualifikimin kanë ardhur edhe të hollat që sipas mediave italiane janë 12 milionë euro mes bonuseve, biletave dhe “market pool” (të drejtat televizive). Sipas llogarive Juventus ka fituar 6 mln euro për një gol të shënuar në “Wembley”.
Kështu, të ardhurat e Juventus nga kompeticioni më i rëndësishëm europian për klube kanë shkuar në 94.6 milionë euro, në pritje për të kuptuar nëse bardhezinjtë do ta vazhdojnë të vetëm rrugëtimin europian apo do të shoqërohen edhe nga Roma, që do të luajë mesjavën e ardhshme ndeshjen e kthimit me Sahkhtar Donetsk.
