Kievi është gati të presë ndeshjen më të rëndësishme të vitit në futbollin e klubeve. Sonte në mbrëmje do të kurorëzohet skuadra më e mirë e Europës e cila do të dalë nga çifti Real Madrid-Liverpool.
Spanjollët kanë fituar dy edicionet e fundit radhazi dhe duan të shtojnë në koleksionin e dyte trofeun e 13 europian ndërsa Liverpool dëshiron të kthehet tek fitorja pas 13 vitesh çka do të përkthehej edhe trofeu i 6 në total.
Iberikët eliminuan rivalë të fortë deri më tani si PSG, Juventus dhe Bayern dhe mbështeten tek një Cristiano Ronaldo absolutisht lider i skuadrës.
Zidanë ka ambientuar skuadrën me terrenin e stadiumit të Kievit ndërsa ka pak dilema sa i takon formacionit titullar.
“Nuk jemi favorite, gjithçka është 50 me 50. Finalet kështu janë por këtë pjesë ne e dimë dhe duam ta fitojmë këtë ndeshje. Jemi këtu për shkak të një punë të shkëlqyer të bërë nga djemtë dhe duam ta çojmë deri në fund këtë objektiv, u shpreh mes të tjerash në konferencën e fundit për shtyp Zidane. Ai u shoqërua në daljen për mediat nga kapiteni Ramos i cili u shpreh i sigurt se Liverpul siç e ka në tradite do të japë shpirtin në këtë finale ndërsa e konsideroi Salah si rrezikun numër një.
Sa i takon formacionit ka gjasa qe Benzema te ulet ne stol për ti dhënë hapësire Bejlit dhe Izkos përkrah Cristiano Ronaldos.
Nga ana tjetër Jurgen Klop nuk do të ketë të gatshëm tre lojtarë Matip, Gomez dhe Camberlein por është rikthyer Emre Can që do ta nisë finalen nga stoli.
Tekniku gjerman do të mbështetet tek treshja e mrekullueshme e sulmit Mane, Firmino dhe Salah. Klop i cili ka humbur finalen e Champions ne 2013 kundër Bayern, tha se Reali ka më shumë eksperience por në fushë kjo gjë nuk vlen fare.
“Reali është fenomenal por ne e kemi merituar finalen dhe do të bëjmë çmos që të fitojmë. Forca jonë është shpirti i grupit. Nuk kemi asgjë për të humbur do të bëjmë maksimumin për të kënaqur tifozët tanë”, u shpreh mes të tjerash Jurgen Klop.
Ndeshja do të gjykohet nga serbi Miloard Maziv ndërsa të pranishëm, në stadium do të jenë 63 mijë tifozë, kapacitete i reduktuar për shkak të masave të larta të sigurisë dhe distancave mes mbështetësve të ekipeve në stadium.
a.ç
