PSG i milionave ka dalë me kokën ulur nga “Allianz Arena” teksa ka pësuar humbjen e parë në Champions League këtë sezon nga Bayern Munchen, me rezultatin 3-1.
Lewandowski dhe Tolisso shënuan në pjesën e parë duke i dhënë avantazhin e dyfishtë gjermanëve. Me të filluar pjesa e dytë, Mbappe shkurtoi diferencën për francezët, por vetëm kaq.
Në minutën e 69 ishte sërish Tolisso që vulosi fitoren e Bayern me rezultatin 3-1.
Me këtë fitore, Bayern dhe PSG kalojnë në fazën e ardhshme të Champions, me francezët që renditen të parët edhe pse me pikë të barabarta me gjermanët.
Basel është skuadra e dytë që siguron kalimin për në fazën tjetër të Uefa Champions League, duke iu bashkuar Manchester United. Zvicerianët mundën pastër me rezultatin 2-0 Benfikën falë golave të Elyounoussi në minutën e 5-të dhe të Obertin në të 56-ën, ndërsa Djajtë mundën me përmbysje CSKA Moscoë. Golat e Lukaku dhe Rashford në pjesën e dytë zhvlerësuan golin e talentit Dzagoev që shënoi në fund të fraksionit të parë.
Chelsea dhe Roma janë dy skuadrat që kalojnë në fazën tjetër nga grupi C. Italianët mundën minimalisht Qarabag ndërsa në “Stamford Bridge” Atletiko e Madridit barazoi 1-1 me Chelsea, duke u mjaftuar me pjesëmarrjen në Uefa Europa League.
Barcelona nuk ka lëshuar as në ndeshjen e fundit në grup, duke përsëritur rezultatin e ndeshjes së vajtjes, 2-0 ndaj Sportingut të Lisbonës, Juventusi mori një fitore të rëndësishme në Greqi, 0-2 ndaj Olimpiakosit, dhe kjo i mjaftoi që të siguronte kualifikimin për në fazën tjetër.
REZULTATET
Grupi A
Mançester Junajtid 2-1 CSKA Moskë
Benfika 0-2 Bazel
Grupi B
Bajern Mynih 3-1 PSG
Seltik 0-1 Anderleht
Grupi C
Çelsi 1-1 Atletiko Madrid
Roma 1-0 Karabag
Grupi D
Barcelona 2-0 Sporting Lisbonë
Olimpiakos 0-2 Juventus
a.ç
