Ajaksi po bën një paraqitje të shkëlqyer këtë sezon në Champions League, teksa ka mundur edhe në gjysmëfinalen e parë Totenhemit, dhe me një këmbë e sheh veten në finale.
Por, bashkë me arritjet e mëdha, vijnë edhe përfitimet e mëdha. Nga një llogaritje e deritanishme, klubi holandez po barazon të gjithë buxhetin vjetor, vetëm me fitimet nga Liga e Kampionëve.
Deri më tani, Ajaksi ka arkëtuar plot 90 milionë euro, të cilat vijnë si më poshtë:
15,25 milionë euro – Grupet e Champions League
18,8 mln euro – Renditja e 10 viteve të fundit në Champions
10,8 mln euro – Rezultatet në fazën e grupeve
9,5 mln euro – Kualifikimi në fazën e 1/8-ave
10,5 mln euro – Çerekfinalja e arritura pasi eliminoi Real Madrid në 1/8-tat
12 mln euro – Gjysmëfinalja e arritur pasi eliminoi Juventusin në çerekfinale
2,5 mln – E drejta TV dhe reklama
10,7 mln euro – Biletat e shitura në “Johan Cruijff Arena”
Totali: 90 milionë euro
Buxheti total vjetor: 92 milionë euro
Por, fitimet mund të rriten akoma më shumë nëse kalojnë Totenhemin dhe arrijnë finalen. 15 milionë më shumë do të shkonin në arkat e “harkëtarëve”, ndërkohë fitimi i kupës me veshë të gjatë, sigurisht që do përkthehej në më tepër të ardhura, si më poshtë:
FITIME SHTESË
15 mln euro nëse kalon edhe Totenhem dhe siguron finalen e Champions
4 mln euro nëse fiton Champions League
3,5 mln euro pjesëmarrja në Superkupën e Europës
Totali: 112,5 mln euro
/a.meta
