Trajneri i Liverpoolit, Jurgen Klopp, nuk shfaqi asnjë shenjë presioni para ndeshjes së Liverpoolit kundër Paris Saint-Germainit, pasi që e lavdëroi përkthyesin francez për zërin e tij erotik, gjatë konferencës për shtyp.
Liverpooli do ta zhvillojë një ndeshje mjaft të rëndësishme sonte kundër Paris Saint-Germainit, ku mund ta sigurojnë një vend në 1/8 e finales së Ligës së Kampionëve nëse Napoli e fiton ndeshjen në Beograd, transmeton Gazeta Express.
Strategu gjerman e komplimentoi përkthyesin francez, i cili ia përkthente pyetjet e gazetarëve francezë, duke thënë se ai kishte një zë shumë erotik dhe duke kërkuar nga ai që të përkthente përsëri.
“Ky është një zë shumë erotik, meqë ra fjala, përkthyes. Urime. Uau! Përsëri, të lutem”, ka thënë Klopp kur përkthyesi francez e përfundoi fjalinë. Gazetarët e pranishëm në konferencën për shtyp filluan të qeshin, dhe të njëjtën gjë e bëri edhe Klopp. (b.an)
