Të paktën 27 persona raportohet të kenë vdekur në tre shpërthime kamikaze në shtetin afrikan të Chadit.
Në sulmet terroriste vetvrasëse që ndodhën pranë një tregu raportohet edhe për 90 të plagosur.
Lajmi bëhet i ditur nga zyrtari i policisë, Paul Manka, i cili shtoi gjithashtu se ishin 3 kamikaze femra që ndërmorrën sulmet me bomba gjatë kësaj të shtunë në ishullin Koulfoua.
Gjenerali Banyaman Cossingar, i cili është edhe drejtor i përgjithshëm i Xhandarmërisë së Chadit, konfirmoi sulmet duke thënë se pas tyre dyshohet të ketë gisht grupi ekstremist islamik i Boko Haramit, që njihet për shtrirjen e tij kryesisht në Nigeri.
Rajoni përreth liqenit të Chadit, i cili ndan kufijtë me Chadin, Kamerunin, Nigerin dhe Nigerinë, ka qenë vazhdimisht objektiv i sulmeve të ekstremistëve të Boko Haram. Mësohet se qeveria e Chadit ka shpallur gjendjen e emergjencës në zonën e sulmeve terroriste.
Boko Haram, grupi ekstremist islamik nigerian, që gjatë trazirave 6vjeçare ka vrarë rreth 20 mijë persona, ka përshkallëzuar sulmet gjatë këtij viti në Chad,
Niger dhe Kamerun, vende të cilat u afruan në ndihmonin në luftën kundër kryengritjes së tyre.
