Analisti Nikollë Berishaj ishte këtë të diel i ftuar në një lidhje direkte për Euronews Albania për të folur për të folur për zgjedhjet parlamentarë në Malin e Zi.
Ai tha se për fat të keq, politikat malazese janë diskriminuese sa u takon pakicave që jetojnë atje, pasi sipas tij, shqiptarët nuk mund të sigurojnë dot më shumë se tre deputetë në parlament ndërkohë që do duhej të përfaqësoheshin me minimalisht 6 deputetë.
“Ligji zgjedhor i Malit të Zi është për mendimin tim mjaft diskriminues për pakicat. Pakicat shqiptare për të dalë në garë për ndarjen e vendeve në parlamente, duhet të votojnë ose të vetme ose të bashkuara 3%. Në qoftë se partia shqiptare fiton 1.5% njëra e 1.5% tjetra, ato lista bashkohen e më pas konkurrojnë si një listë e posaçme.
Pra bëhet koalicion dhe sipas numrit të votave të marra mund të fitojnë deputetët. Numri maksimal i deputetëve që mund të fitojnë shqiptarët është 3, pavarësisht se me regjistrimet e fundit shqiptarët përbëjnë 5% të popullsisë, dhe do duhet të kishin minimalisht 6 deputetë, por me mënyrën si është sistemi i ndarjes maksimalisht mund të fitojmë 3 mandate.
I pyetur se çfarë pritet realisht në këto zgjedhje, Berishaj tha do ishte i kënaqur edhe po të fitonin një deputet.
“Në Tuz priten dy mandate, në Ulqin pritet një mandat. Unë do isha shumë i kënaqur nëse fitojmë 1 mandat, akoma më shumë i kënaqur nëse fitojmë 2, por ekziston një mundësi që mund të jetë katastrofale për shqiptarët dhe të mos marrin asnjë mandat në këto zgjedhje parlamentare”,-tha analisti Nikollë Berishaj.
/a.r
