E ftuar në emisionin “Java në RTSH”, në një lidhje me skype, ishte ish-kandidatja për kryetare e PD, Edit Harxhi.
Harxhi foli për zhvillimet e fundit në vend ndër to, në panelin me analistët Prec Zogaj dhe Lorenc Vangjeli, ku u pyet për takimin e ambasadorit Reeker me Lulzim Bashën.
Harxhi u shpreh se biseda mes ambasadorit Reeker dhe Bashës nuk ishte aq e lehtë.
“Unë kam mësuar disa detaje, kuptohet që diplomatët amerikanë janë shumë konfidencial në takimet e tyre, por interesi im është në riformatimin e PD, natyrisht kemi biseduar edhe për këtë temë me Reeker dhe Yuri Kim. Biseda mes ambasadorit dhe Bashës ka qenë një bisedë e larmishme e interesante, dhe jo shumë e lehtë,”- u shpreh Harxhi.
Më tej, ajo foli edhe për faktin që nuk pati një takim mes ambasadorit Reeker e Ilir Metës ku sipas saj, kjo ka ardhur si pasojë e ftohjes së SHBA me institucionin e Presidencës.
“Duke pare zhvillimet, mendoj se SHBA me institucionin e Presidencës kanë një ftohje reale, kjo nga deklaratat e bëra, dhe ndoshta pritet edhe vendimi i Kushtetueses. Duhet të pranojmë që ftohja është aty dhe është reale, duhet ta pranojmë. Diplomatët amerikanë janë të drejtpërdrejtë në qëndrimet e tyre kur duan të mbajnë një qëndrim,”- tha Edith Harxhi në emisionin “Java në RTSH”.
/b.h
