Buzët mund t’ju japin informacion për shëndetin tuaj prandaj mjekët këshillojnë se duhet t’ju kushtoni vëmendje gjendjes së tyre.
Buzë të plasaritura: ndoshta jeni dehidratuar dhe vendosja e një zbutësi buzësh mbi to mund t’ju vijë në ndihmë. Konsumoni një gotë ujë menjëherë.
Cepa buzësh të plasaritura: ka gjasa të jeni prekur nga një lloj infeksioni, thote Dr. Mona Gohara. Ky është një problem që rregullohet duke u konsultuar me dermatologun për të marrë mjekimin e nevojshëm.
Ënjtje buzësh: buzët e fryra mund të vijnë si pasojë e një reaksioni alergjik- thotë Dr. Timonti Keis. Nëse keni gjuhë të ënjtur apo djegie buzësh kërkoni menjëherë ndihmë pasi mund të jeni duke vuajtuar pasojat e ndonjë alergjie nga diçka që keni ngrënë.
Zbehje buzësh: mungesa e ekspozimit ndaj diellit mund të shkaktojë buzë të zbehta. Mund ta përdorni këtë edhe si një justifikim për të bërë një shëtitje në diell. Nëse shikoni zbehje të pjesëve të tjera të trupit duhet të vizitoheni tek mjeku për të parë nëse vuani nga anemia.
Buzë të kuqe: nëse vini re se buzët tuaja janë më të kuqe se zakonisht do të thotë se jeni alergjik ndaj diçkaje që mund të keni konsumuar së fundmi si: pasta e dhëmbëve apo ndonjë firmë buzëkuqi. Ndaloni përdormin e çdo produkti për të cilin keni dyshime se është burimi i alergjisë.
Nëse keni herpes në buzë: jeni prekur nga virusi herpes. Mundohuni të shmangni rrezet e diellit dhe të përdorni medikamentet përkatëse.
Me kaq shumë simptoma që mund të shfaqen tek buzët tuaja është e vëshitë të dalloni se si mund të duken ato nëse ju jeni të shëndetshëm. duhet të dini se ngjyra e tyre duhet të jetë rozë e lehtë dhe duhet të jenë të buta. Sigurohuni të pini sa më shumë ujë dhe të aplikoni krem hidratues.
