Thuajse në të gjithë botë, javët e fundit është vënë re një përmirësim i ndjeshëm i situatës së koronavirusit.
Rastet janë më të pakta, vdekshmëria më e ulët, dhe po ashtu përherë e më pak të shtruar në spitale.
Mjekë dhe shkencëtarë nuk kanë reshtur së studiuari elementë thelbësorë që lidhen me koronavirusin e ri.
Studimi më i fundit tregon se personat që e kaluan më rëndë sëmundjen, patën simptoma afatgjata.
Gjysma e popullsisë së rritur tani është plotësisht e vaksinuar, sipas të dhënave të botuara të Mërkurën nga Qendrat Amerikane për Kontrollin dhe Parandalimin e Sëmundjeve.
Në javën e kaluar, SH.B.A. kishte mesatarisht rreth 28,000 raste të reja ditore, një rënie prej 19% krahasuar me javën e kaluar, sipas CDC.
Pothuajse tre të katërtat e pacientëve me Covid-19 të moderuar deri në të rëndë kishin të paktën një simptomë afatgjatë, sipas analizës së botuar të Mërkurën në JAMA Netuork Open.
Studiuesit nga Universiteti i Stanfordit kryen një përmbledhje të 45 studimeve ekzistuese që ndoqën 9,751 pacientë në muajt pas një infeksioni Covid-19.
Ata zbuluan se 73% e pacientëve kishin të paktën një simptomë 60 ditë pas diagnozës, fillimit të simptomës ose pranimit në spital.
Studiuesit gjithashtu zbuluan se 40% e pjesëmarrësve përjetuan lodhje, 36% kishin gulçim dhe 25% të tjerë raportuan një paaftësi për t’u përqendruar, shpesh të referuara si mjegulla e trurit. /k.k/noa.al/
Burimi: CNN
/a.r
